කොරෝනා වයිරස් තර්ජනය හේතුවෙන් දැනට කල් දමා ඇති මේ වසරේ ඉන්දීය ප්‍රිමියර් ලීග් තරගාවලියට සත්කාරකත්වය දීමට ශ්‍රී ලංකාව සූදානම් බව ශ්‍රී ලංකා ක්‍රිකට් පාලක මණ්ඩලය ඉන්දීය ක්‍රිකට් මණ්ඩලයට දන්වා තිබේ.
මැයි 3 වනදා දක්වා ඉන්දියාව රටපුරා අගුලු දැමීමෙන් පසු ඉන්දීය ක්‍රිකට් මණ්ඩලය අයි.පී.එල්. තරගාවලිය දින නියමයකින් තොරව කල් දැමීය.
ඉදිරි දින කිහිපය තුළ ශ්‍රී ලංකාවේ කොවිඩ් 19 තර්ජනය ලිහිල් වුවහොත් ඉන්දියාව ශ්‍රී ලංකාවේ යෝජනාව පිළිබඳව සොයා බැලීමට ඉඩ ඇති බව ශ්‍රී ලංකා ක්‍රිකට් සභාපති ෂම්මි සිල්වා මහතා පැවසීය.
අයිපීඑල් අත්හිටුවුවහොත් ඉන්දීය ක්‍රිකට් පාලක මණ්ඩලයට සහ අයිපීඑල් පාර්ශ්වකරුවන්ට ඩොලර් මිලියන 500 කට වඩා අලාභයක් සිදුවනු ඇත. එබැවින් 2009 දී දකුණු අප්‍රිකාවේදී කළාක් මෙන් වෙනත් රටක ලීග් පැවැත්වීම ඔවුන්ට ප්‍රයෝජනවත් වනු ඇත.
“මෙම යෝජනාවට අප ඔවුන්ගෙන් ඉදිරියට ගියහොත්, ශ්‍රී ලංකා සෞඛ්‍ය බලධාරීන්ගේ අධීක්ෂණය යටතේ අවශ්‍ය සියලු පහසුකම් සැපයීමට අපි සූදානම්”.අයි.පී.එල්. ශ්‍රී ලංකාවේ ක්‍රීඩා කළහොත් එය රටට සහ ශ්‍රී ලංකා ක්‍රිකට් ආයතනයට වැඩි මුදල් ප්‍රවාහයක් ගෙන එනු ඇතැයි ඔහු වැඩිදුරටත් පැවසීය.