ජනාධිපති ෂී ජින් පිං කියා සිටියේ වුහාන් කොරොනාවෛරස් වසංගතය සම්බන්ධයෙන් චීනය බරපතල තත්වයකට මුහුණ දී සිටින බවයි.
පාලක කොමියුනිස්ට් පක්ෂයේ ඉහළ නිලධාරීන් සමඟ පැවති සාකච්ඡාවකදී ෂී අවධාරණය කළේ රජය ජනතාවගේ සෞඛ්‍යයට ප්‍රමුඛත්වය දිය යුතු බවයි.
චීන නගරයක් වන වුහාන් හි සෞඛ්‍ය සේවා සේවකයින් පවසන්නේ වැඩිවන රෝගීන්ට ප්‍රතිකාර කිරීම නිසා රෝහල්වල සැපයුම් අඩු මට්ටමක පවතින බවයි.
වෛරසය පැතිරීම වැළැක්වීම සඳහා පෙර නොවූ විරූ උත්සාහයක නිරතව සෞඛ්‍ය සේවකයින් 1,200 කට වැඩි පිරිසක් මෙන්ම මහජන විමුක්ති හමුදා වෛද්‍ය නිලධාරීන් 135 දෙනෙකු නගරයට යවන බව චීන මධ්‍යම රජය නිවේදනය කළේය .