නිව්යෝර්ක් නගරය සිය සමස්ත රාජ්‍ය හා පෞද්ගලික රෝහල් පද්ධති ප්‍රතිසංවිධානය කරමින්, ඒවායින් සමහරක් හෝ කොරෝනා වෛරසය වැළඳී ඇති පුද්ගලයින් සඳහා දැඩි සත්කාර සේවා ස්ථාන බවට පරිවර්තනය කරමින් සිටින අතර අනෙක් රෝගීන් තාවකාලික පහසුකම් සහිත කුඩාරම් වල ඉදිකරන ලද රෝහල් වෙත හරවා යවනු ලැබේ.
සඳුදා, නිව්‍යෝක් නගරය අප්‍රියෙල් මස මුල වන විට ඇඳන් 60,000 ඉක්මවා යාමේ ඉලක්කයට ළං වූ අතර එය මාර්තු මස මුල සිට එහි ධාරිතාව තුන් ගුණයකින් වැඩි කරගනිමින් සිටින බව නගරාධිපති බිල් ඩි බ්ලැසියෝ ප්‍රවෘත්ති සාකච්ඡාවකදී පැවසීය.
ඇඳන් 1,000 ක් සහිත එක්සත් ජනපද නාවික හමුදා රෝහල් නෞකාවක් වන යූඑස්එන්එස් කම්පෝර්ට් නෞකාව වෛරසය නොමැති නමුත් ප්‍රතිකාර අවශ්‍ය රෝගීන්ට ප්‍රතිකාර කිරීම ආරම්භ කර ඇත.
නිව්යෝර්ක් නගරයේ කොරෝනා වෛරසය සඳහා දළ වශයෙන් 37,500 ක් දෙනා පරීක්ෂාවට ලක් කර ඇති බව නිලධාරීහු සඳුදා ප්‍රකාශ කළහ. පෙර දිනට වඩා මේ වන විට රෝගින් 3,700 ක් පමණ ඉහළ ගොස් තිබේ.
එය තහවුරු වූ රෝගීන්ගෙන් අඩකටත් වඩා වැඩි සංඛ්‍යාවක් සහ රට පුරා රෝගීන් හතරෙන් එකකටත් වඩා වැඩි සංක්‍යවක් ජිවත් වන්නේ
නිව්යෝර්ක් ප්‍රාන්තයේය.
ලාභ නොලබන රෝහල් 250 කට අධික සංඛ්‍යාවක් සහ අඛණ්ඩ සත්කාරක පහසුකම් සැපයීමට බැදී සිටින බව ග්‍රේටර් නිව් යෝර්ක් රෝහල් සංගමයේ සභාපති කෙනත් රාස්කේ පැවසුවේය. මෙම ආයතන “නිව්යෝර්ක් පුරා එකමුතු පවුල් පද්ධතියක් ලෙස ක්‍රියා කරනු ඇති” බවයි.
මේ වන විට නිව්‍යෝක් නුවර සෙන්ට්‍රල් උද්‍යානයේ කූඩාරම් සහිත රෝහල් භුමියක් වී ඇති අතර හඩ්සන් ගංගාවේ රෝහල් නෞකාවක් වන හොප් නෞකාව ඔනිම මොහොතක සිදුවන වෛරස පුපුරායාමකට මුහුණ දීමට සූදානම්ව තිබේ.