යුක්රේන මගී ගුවන් යානයක් මතුපිට සිට ගුවනට මිසයිලයකින් නොදැනුවත්වම වෙඩි තබා බිම හේලූ බවට ඉරානය කල ප්‍රකාශයත් සමඟ සෙනසුරාදා රට පුරා ඉරාන විශ්ව විද්‍යාලවල රාජ්‍ය විරෝධී උද්ගෝශණ ඇතිවිය.
ඉස්ලාමීය විප්ලවවාදී ආරක්ෂක බළකායේ අභ්‍යවකාශ අංශයේ ප්‍රධානී ජෙනරාල් අමීර් අලි හජිසාදී රාජ්‍ය රූපවාහිනියට පවසා ඇත්තේ බදාදා ටෙහෙරානයේ ජාත්‍යන්තර ගුවන්තොටුපළෙන් ගුවන් ගත වීමට මිනිත්තු කිහිපයකට පසුව යුක්රේන ගුවන් යානය වෙඩි තැබීමේ සම්පූර්ණ වගකීම තම ඒකකය භාරගන්නා බවයි .
ඉරාන ජනාධිපති හසන් රුහානි සිකුරාදා ට්වීට් පණිවුඩයක් මගින් ” මානව දෝෂයක් ” ගැන දොස් පැවරූ අතර එය “මහා ඛේදවාචකයක් සහ සමාව දිය නොහැකි වැරැද්දක්” ලෙස හැඳින්වීය.
ට්‍රම්ප් සෙනසුරාදා පර්සියානු හා ඉංග්‍රීසි යන භාශා දෙකෙන්ම විරෝධතාකරුවන්ට සහයෝගය දැක්වීමේ පණිවිඩයක් ට්වීට් කරමින් කියා සිටියේ තම පරිපාලනය ඔවුන් සමඟ සහයෝගයෙන් කටයුතු කරන බවට පොරොන්දු වන බවයි.
The government of Iran must allow human rights groups to monitor and report facts from the ground on the ongoing protests by the Iranian people. There can not be another massacre of peaceful protesters, nor an internet shutdown. The world is watching.
— Donald J. Trump (@realDonaldTrump) January 11, 2020
ට්විටර් පනිවිඩයක් නිකුත් කරමින් ට්‍රම්ප් පැවසුවෙ “ඉරානයේ නිර්භීත, බොහෝ ඉවසිලිවන්ත ජනතාවට: මගේ ජනාධිපති ධුරයේ ආරම්භයේ සිටම මම ඔබ සමඟ සිටිමි. මගේ පරිපාලනය ඔබ සමඟ දිගටම සිටිනු ඇත. අපි ඔබේ විරෝධතා සමීපව අනුගමනය කරන්නෙමු. ඔබේ ධෛර්යයෙන් ආශ්වාදයක් ලැබුවෙමු.” ලෙසයි