සිය පළමු මානව දියත් කිරීම සම්පූර්ණ කළ ස්පේස්එක්ස් හි නිර්මාතෘ හා ප්‍රධාන විධායක එලොන් මස්ක් පවසන්නේ සමාගම දැන් සිය ඊළඟ පරම්පරාවේ අභ්‍යවකාශ යානා ස්ටාර්ෂිප් සංවර්ධනය කිරීම කෙරෙහි අවධානය යොමු කර ඇති බවයි.
මැයි මස අවසාන සතියේ නාසා සහ ස්පේස්එක්ස් දශකයකට ආසන්න කාලයක් තුළ ප්‍රථම වතාවට එක්සත් ජනපද භූමියෙන් ගගනගාමීන් සාර්ථකව අභ්‍යාවකාශ ගත කළහ.
ස්ටාර්ෂිප් පසුගිය සැප්තැම්බරයේ දී එළිදක්වන ලද අතර එය සැලසුම් කර ඇත්තේ කාර්ය මණ්ඩලය සහ භාණ්ඩ “සඳ, අඟහරු හෝ සෞරග්‍රහ මණ්ඩලයේ වෙනත් ඕනෑම තැනකට” ගෙන යාම සඳහා බව මස්ක් පවසයි.
මස්ක්ගේ අභිප්‍රාය වන්නේ අභ්‍යවකාශ ගමන් කරන වාහන ගුවන් යානා මෙන් නැවත භාවිතා කළ හැකි පරිදි සකස් කිරීමයි – ඒවා තිරස් අතට නොව ලම්බකව පෘථිවියට ගොඩබසිනු ඇත.
මීට වසර හතරකට පෙර කෝටිපතියා අඟහරු ග්‍රහයා මත ජනපදයක් “අපගේ ජීවිත කාලය තුළ” ඉදිකිරීම පිළිබඳ සිය දැක්ම ගෙනහැර දැක්වීය – 2025 වන විට පළමු රොකට්ටුව මිනිසුන් රතු ග්‍රහලෝකයට ගෙන යනු ඇත.
පසුගිය වසරේදී මස්ක් ට්වීට් කරමින් කියා සිටියේ “අපි වසර පහකින් ආරම්භ කළහොත් 2050 වන විට අඟහරු මත ස්වයංපෝෂිත නගරයක් කළ හැකි” බවයි.