එලිසබෙත් රැජින අද දින 94 වන වියට පා තැබූ නමුත් කොරෝනා වයිරස හේතුවෙන් කිසිදු සැමරිකම් සිදු නොකරන ලෙස පවසා තිබෙනවා.
ලොව වැඩිමහල් හා දීර්ග කලක් සිටි රජතුමා වන එලිසබෙත් රැජිණ සාමාන්‍යයෙන් සිය උපන්දිනය ප්‍රසිද්ධියේ සැමරීමකින් තොරව පෞද්ගලිකව ගත කරන නමුත් මේ වසරේ උත්සවය වඩාත් නිශ්ශබ්ද වනු ඇත.
රාජකීය උපන් දින සහ සංවත්සර සම්ප්‍රදායිකව චාරිත්‍රානුකූල තුවක්කු ආචාර මගින් බ්‍රිතාන්‍ය රජය විසින් සමරන අතර ලන්ඩනය පුරා විවිධ ස්ථානවලින් වෙඩි තබමින් ආචාර කරනු ලැබේ, නමුත් රැජින මේ වසරේ එම නිල උත්සවද සිදු නොකරන ලෙස පවසා තිබෙනවා.
රැජිනගේ උපන්දිනය සැමරීම සඳහා සාමාන්‍යයෙන් රජයේ ගොඩනැගිලිවල ද කොඩි ඔසවන නමුත් නිලධාරීන්ට පවසා ඇත්තේ මේ වසරේ එය සිදු කිරීමට ද අපේක්ෂා නොකරන බවයි.
රැජින සිය 98 හැවිරිදි සැමියා වන පිලිප් කුමරු සමඟ ලන්ඩනයට බටහිරින් වින්ඩ්සර් කාසල් හි නැවතී සිටී.1926 අප්‍රියෙල් 21 වන දින මධ්‍යම ලන්ඩනයේ බර්ටන් වීදියේ උපත ලැබූ එලිසබෙත් හැදී වැඩුණේ රැජිනක් වීමට බලාපොරොත්තුවෙන් නොවේ.
ඇගේ පියා හයවන ජෝර්ජ් ඔටුන්න හිමි කරගත්තේ ඔහුගේ වැඩිමහල් සොහොයුරා වන අටවන එඩ්වඩ් 1936 දී ඇමරිකානු දික්කසාද වූ වැලිස් සිම්ප්සන් සමඟ විවාහ වීමට ඉල්ලා අස් වූ විට පමණි.
එලිසබෙත් 1952 දී වයස අවුරුදු 25 දී සිංහාසනයට පත්වූ අතර, 2015 සැප්තැම්බර් මාසයේදී බ්‍රිතාන්‍යයේ දීර්ගතම රජතුමා ලෙස ඇගේ මිණිබිරිය වූ වික්ටෝරියා රැජින ගේ දුර කාලය අභිබවා ගියේය.