කොරෝනා වයිරස් රෝගීන් හා මරණ සම්බන්ධයෙන් චීනය වඩාත්ම බලපෑමට ලක්වූ රට ලෙස සැලකේ. වසංගතය පසුගිය වසරේ දෙසැම්බරයේ ආරම්භ වූ දින සිට මේ දක්වා ආසාදන 80,793 ක් සහ මරණ 3,169 ක් වාර්තා වී තිබේ.
එක්සත් ජනපදය හා යුරෝපය වැඩිවෙමින් පවතින රෝගීන් සංඛ්‍යාව සමඟ පොරබදද්දී චීනයේ නව ආසාදන අනුපාතය සැලකිය යුතු ලෙස මන්දගාමී වී ඇත.
වසංගතයේ කේන්ද්‍රස්ථානය වන චීනයේ හුබෙයි පළාත සති කිහිපයකට පෙර දිනකට ආසාදන දහස් ගණනක් වාර්තා කරමින් සිටියේය. ඊයේ එහි වාර්තා වී ඇත්තේ නව ආසාදන අටක් පමණක් බව එරට ජාතික සෞඛ්‍ය කොමිසම පවසයි.
ජීවිතය යථා තත්ත්වයට පත් කිරීමේ ප්‍රධාන පියවර වන ව්‍යාපාර නැවත විවෘත කිරීමට රජය ක්‍රමයෙන් ඉඩ දෙන බව හුබෙයි බලධාරීන් බදාදා ප්‍රකාශයක් නිකුත් කරමින් කියා සිටියේය.