නිෂ්පාදක ජොන්සන් සහ ජොන්සන් සඳුදා පැවසුවේ එක් ස්වේච්ඡාවෙන් එන්නත් කිරීමට ඉරිදිපත් වූ පුද්ගකයෙක්ගේ පැහැදිලි කළ නොහැකි රෝගයක් හේතුවෙන් එහි පර්යේෂණාත්මක කොරෝනා වයිරස් එන්නත පිළිබඳ සායනික අත්හදා බැලීම නවතා දමා ඇති බවයි.
“අප මාර්ගෝපදේශ අනුගමනය කරමින්, සහභාගිවන්නාගේ රෝගී තත්වය ස්වාධීන දත්ත සුරක්ෂිතතා අධීක්ෂණ මණ්ඩලය (ඩීඑස්එම්බී) මෙන්ම අපගේ අභ්‍යන්තර සායනික හා ආරක්ෂක වෛද්‍යවරුන් විසින් සමාලෝචනය කර ඇගයීමට ලක් කරනු ලැබේ” යනුවෙන් සමාගම නිවේදනයක් නිකුත් කරමින් කියා සිටී.”අහිතකර සිදුවීම් – රෝගාබාධ, අනතුරු යනාදිය – බරපතල ඒවා පවා ඕනෑම සායනික අධ්‍යයනයක, විශේෂයෙන් විශාල අධ්‍යයනවල අපේක්ෂිත කොටසකි.”
පැහැදිලි කළ නොහැකි රෝගී තත්වය කුමක්දැයි සමාගම නොකියන නමුත් සායනික අත්හදා බැලීම්වල එක් කරුණක් වන්නේ එන්නත් මගින් භයානක අතුරු ආබාධ ඇති කරන්නේද යන්න සොයා බැලීමයි අපි මෙම සහභාගිවන්නාගේ පෞද්ගලිකත්වයට ගරු කළ යුතුයි. අපි මෙම සහභාගිවන්නාගේ රෝගී තත්වය පිළිබඳව වැඩිදුර ඉගෙන ගන්නෙමු. අතිරේක තොරතුරු බෙදා ගැනීමට පෙර සියලු කරුණු තිබීම වැදගත්ය” යනුවෙන් සමාගම වැඩිදුරටත් පැවසීය.
ජොන්සන්ගේ තුන්වන අදියර පරික්ශන සැප්තැම්බර් මාසයේ ආරම්භ විය. එය එක්සත් ජනපදයේ පරීක්ෂාවට ලක් කරන කොරෝනා වයිරස් එන්නත් හයෙන් එකක් වන අතර වඩාත් දියුණු, එන්නත් හතරෙන් එකකි. මෙම එන්නතට එක් එන්නත් මාත්‍රාවක් පමණක් අවශ්‍ය වන බැවින් ෆෙඩරල් නිලධාරීන් පවසා ඇත්තේ මෝඩනා සහ ෆයිසර් විසින් නිපදවන ලද එන්නත් ඇතුළු මාත්‍රාවන් දෙකක් අවශ්‍ය වන අනෙකුත් එන්නත් වලට වඩා තරමක් වේගයෙන් පරීක්ෂණ අවසන් කළ හැකි බවයි.